Hamas te deklare jedi li vle kontinye mete an aplikasyon akò trèv ak Izrayèl la, men sa depann si Izrayèl respekte obligasyon li yo tou.
Jedi 13 fevriye 2025 nan, Sena Ameriken an te apwouve nominasyon Robert Kennedy Jr. nan tèt Depatman Sante .
Rezo sosyal Elon Musk lan, X (ansyen Twitter), te rive jwenn yon akò ak ansyen prezidan ameriken Donald Trump, kote li pral ba l 10 milyon dola dedomajman paske l te kanpe kont li an 2021, dapre sa Wall Street Journal rapòte mèkredi.
Prezidan Ikrenyen Volodymyr Zelenskyy deklare madi li pare pou "yon echanj" teritwa ak Larisi, nan kad posib negosyasyon lapè sou lidèchip Etazini, ki wè liberasyon yon Ameriken pa Moskou kòm yon bon siy.
Ejip planifye pou "prezante yon vizyon konplè pou rekonstriksyon" nan bann Gaza ki garanti Palestinyen yo rete sou tè yo, dapre ministè afè etranjè ejipsyen an madi swa.
Prezidan Ameriken an, Donald Trump Pale Nan Telefòn ak Tokay Ikrenyen li Vladimir Zelensky
Prezidan ameriken an Donald Trump Pale ak Tokay Ris-Li Vladimir Putin mèkredi 12 fevriye a.
Prezidan Donald Trump resevwa nan La Mezon Blanch Marc Fogel yon sitwayen ameriken apre li te jwenn liberasyon li nan men otorite Ris yo.
Bilyonè Elon Musk, ke prezidan ameriken an Donald Trump te nonmen pou dirije Depatman Efikasite Gouvènmantal la (DOGE) , defann aksyon depatman li Madi nan Mezon Blanch la, li deklare si yo pa koupe bidjè a, Etazini ap fè "fayit".
Pap Franswa kondane madi desizyon prezidan ameriken Donald Trump pou l mete migran deyò an mas, li di politik sa a "pase diyite yo anba pye", epi li mande fidèl yo reflechi sou "lejitimite" yon politik konsa.
Premye minis Kanadyen an, Justin Trudeau, pwomèt madi peyi li pral bay yon repons "fèm epi klè" si Etazini mete frè ladwàn sou asye, "si sa nesesè", nan ka kote yon solisyon amikal pa mache.
Omwen 55 moun pèdi lavi yo nan Gwatemala lendi, apre yon bis kraze yon baraj sekirite epi tonbe nan yon ravin, daprè otorite yo. Se youn nan pi move aksidan sikilasyon ki fèt nan Amerik Latin nan pandan dènye ane yo.
Prezidan Ikrèn nan, Volodymyr Zelensky, ap rankontre vis-prezidan Etazini JD Vance vandredi pandan Konferans Sekirite Minik la, daprè pòtpawòl lidè ikrenyen an te di AFP. Reyinyon sa a fèt pandan Washington ap pouse pou mete fen nan lagè ki gen prèske twa lane ant Ikrèn ak Larisi.
Prezidan Ejipsyen an, Abdel Fattah al-Sissi, mande madi pou rekonstriksyon Gaza "san deplase Palestinyen yo," apre Donald Trump te di li ka sispann èd li bay Ejip ak Jòdani si peyi sa yo refize resevwa Gazawi yo.
Yon gwoup envestisè ki gen Elon Musk kòm lidè di yo ofri $97.4 milya dola pou achte òganizasyon karitativ ki dèyè OpenAI la, sa ki agrave yon konfli ant konpayi entèlijans atifisyèl saa ak Musk ki te ede fonde l.
Yon premye gwoup sitwayen venezyelyen Etazini mete deyò nan peyi a te ateri lendi 10 fevriye a nan aswè nan ayewopò Maiquetia, nan nò Caracas, dapre sa yon jounalis AFP te konstate.
Donald Trump siyen yon dekrè lendi 10 fevriye a pou enpoze yon tarif 25% sou asye ak aliminyòm ki enpòte Ozetazini. Se dènye desizyon prezidan an pran nan lagè komèsyal li lanse kont plizyè peyi nan mond la.
Prezidan franse Emmanuel Macron mande moun ann Ewòp pou yo pare pou reponn posib tarif ke Donald Trump ka mete sou yo, se konsa Macron te pale nan yon emisyon ayè dimanch la sou chèn televizyon ameriken CNN.
Prezidan ki sou pouvwa nan peyi Ekwatè a Daniel Noboa ak rival gochis li Luisa Gonzalez angaje nan yon match sere apre eleksyon prezidanyèl ayè dimanch la nan Ekwatè, sa ki soulve posiblite pou gen yon 2èm tou eleksyon nan peyi sa a ki divize e ki anba vyolans trafik dwòg.
Konseye sekirite nasyonal Prezidan Donald Trump lan, Mike Waltz, di kèk gwo ofisyèl administrasyon an ap vwayaje pou Ewòp semenn sa a.
Load more
