Kadav yon polisye Kenyan ki mouri pandan yon operasyon anti-gang fòs miltinasyonal la tounen lakay li.
Kadav Samuel Tompoi Kaetuai rive Kenya Lendi 10 mas 2025 la.
Fanmi li ak responsab wo plase peyi Kenya te sou plas pou resevwa kadav la.
Polisye a mouri 23 Fevriye apre gang yo te tire l nan depatman Lwès Ayiti.
Yo poko anonse dat fineray li.
Yon kontenjan apeprè 800 polisye Kenyan ap dirije misyon miltinasyonal la ki gen ladann polisye ki soti nan peyi tankou Jamayik, Guatemala ak Salvado.
Y ap travay ansanm ak Polis Nasyonal Ayiti.