Misyon Miltinasyonal sekirite a demanti enfòmasyon ki ta fè kwè MMS la ta pèdi sòlda nan afwontman ak gwoup gang ame yo nan komin Kenskòf.
Nan yon kominike pou laprès li pi pibliye jodi vandredi a (21 Fevriye), fòs miltinasyonal la voye jete bwen lwen enfòmasyon sa yo e kalifye yo de pwopagann.
Nan kominike sila ki pote siyati kòmandan misyon an, Godfrey Otunge, fòs miltinasyonal sètifye : "MMS la pa pèdi okenn nan pèsonèl li yo nan okenn konfrontasyon ak gang nan Kenskòf".
Pi lwen, Godfrey Otunge agimante pou l di, sòlda li yo repran kontwòl yon estasyon nan kenskòf, gang yo te atake. Kòmandan MSS la souliye, MMS la ak Polis Nasyonal Ayiti antrene ansanm e kontinye mennen operasyon ansanm.
Pou fini, MMS la fè konnen yo rete konsantre sou misyon yo toutpandan y ap kontinye travay ak Polis Nasyonal Ayiti a.
