Gang Kraze baryè a fè masak sa presizeman nan zòn Chatoblon, tou pre Akademi Polis la. Vitèlòm te pase lòd touye moun nan zòn lan aprè lanmò youn nan konpayèl li yo. L akize moun nan katye sila a kòmkwa yo ta bay lapolis enfòmasyon.
Pami moun y idantifye ki pas anba men bandi yo genyen yon pwofesè espanyòl; advantis, ki rele Habakuk Jean-Baptiste. Habakuk tonbe ak tout sè l, Phaniol Jean-Baptiste Désamours. Gang Kraze baryè a touye tou Jerry Lafaille ak Edwidge Pierre-Louis. Yo 4 la t ap viv nan menm kay.
Selon Pierre Espérance, direktè egzekitif Rezo nasyonal k ap defann dwa moun (RNDDH), se 23 moun nèg Vitèlòm yo touye, nan lannwit 16 pou rive 17 fevriye 2025 lan.