Anbasadè Gatto fe deklarasyon sa a nan mikwo radio Magik9 mèkredi 26 fevriye 2025 lan. Li rapousib pou l di yon estrateji ki klè kou dlo kòk ap pèmèt Ayiti jwenn yon pi bon sipò nan men kominote entènasyonal la.
Diplomat la fè lyen ant pwoblèm estrateji sila a ak sa li konsidere tankou echèk fòs miltinasyonal la sou teren an.
Li di pwoblèm Misyon miltinasyonal pou apiye sekirite a (MMSS) chita nan fè aksyon ki pa apiye sou yon sèl estrateji.
Anbasadè a fè konnen estrateji sila a poko la epi moun pa wè l.
Gouvènman ayisyen bò kote pa l kondane atak resan gang ame yo mennen nan (Taba 27, Debisi, Fò nasyonal ak Dèlma 30).
Otorite yo kontinye kleyonnen yo pase fòs lòd yo enstriksyon klè pou yo pran tout dispozisyon ki nesesè pou retabli lòd, pwoteje popilasyon an ak trennen responsab zak sa yo devan lajistis.