WASHINGTON —
Nouvo tarif Prezidan Donald Trump vle enpoze kont Kanada, Meksik ak Lachin reprezante yon mezi agresiv kont 3 pi gwo patnè komèsyal peyi Etazini. Sa riske an menm tan ogmante enflasyon an epi petèt kreye pwoblèm pou ekonomi global la.
Nan opinyon Trump, tarif 25% kont 2 alye Etazini nan Amerik di No ak 10% sou pwodui yon enpote se yon fason pou Etazini montre puisans finansye li epi refome mond lan.
Prezidan Repibliken an parye anpil pouvwa politik ak mezi sa a ke li gen entansyon pran Samdi. Trump pa kwè tarif yo pral agrave enflasyon an, ni koze enpak finansye ki taka destabilize ekonomi mondyal la oubyen pwovoke kòlè elektè yo.