Tantativ Repibliken konsèvatè Jim Jordan tap fè pou tounen pwochen prezidan Chanm Depite Etazini an bwè luil Vandredi apre Repibliken parèy li yo rale sipò yo pou li, apre yon twazyèm vote ki te fèt nan Lachanm Vandredi kote li echwe.
Vot sekrè a vle di Chanm Depite a ap rete san lidè, e li pap gen kapasite pou l reponn demann Prezidan Joe Biden fè pou asistans pou Ikrèn ak Izrayèl - dimwens pazavan semèn pwochèn pou pi bonè.
Opozisyon pou kandidati Jordan nan te pran anplè pami Repibliken yo pandan semèn nan. Gen 25 palmantè Repibliken ki te vote kont li nan twazyèm vòt ki te fèt Vandredi a. Mèkredi gen 22 Repibliken ki te vote kont li. An tou Jordan resevwa 194 vot ki se bokou mwens pase 214 vot li te bezwen pou reklame prezidans la.
Apre sa Repibliken yo e vote pou revoke nominasyon Jordan nan dèyè pòt fèmen.
Depite Repibliken Greg Murphy di ajans nouvèl Reuters: "Jim se yon bon nèg. Men ou konnen lè ou pa gen vòt yo - ou pa gen vòt yo."
Jordan reprezante Ohio nan Lachanm e li se yon alye pwòch ansyen Prezidan Donald Trump. Misye te yon "pèsonaj kle" nan tantativ Trump te fè pou ranvèse viktwa elektoral Biden nan an 2020, dapre sa yon ankèt kongresyonèl te jwenn.