Repibliken Jim Jordan ap postile pou l vinn pwochen Lidè Lachanm Depite Etazini an. Si li ranpote la viktwa sa ta ede kore enfliyans ekstrèm dwat la sou pati Repibliken an epi deklanche yon konfli ak Demokrat yo.
Si Jordan ta dirije Lachanm, li tap pote avèl tou anpil tèt chaje politik.
Pa egzanp Depite a, ki reprezante eta Ohio nan Kongrè a gen yon repitasyon kom nèg ki renmen fè kont ak kolèg li yo. Ansyen prezidan Lachanm Repibliken John Boehner te di li poko janm rankontre yon moun ki renmen detwi bagay pi plis pase misye.
Ex-Prezidan Donald Trump apiye kandidati Jordan nan.
Sepandan chimen ki devan Jordan pou l dirije Lachanm pa sèten ditou.
Li pral bezwen sipo prèske tout depite Repibliken nan Lachanm, kote pati a gen yon majorite tou mens.
