Depite Lachanm Etazini fe listwa yon fason ekstraòdine jodia, apre yo vote pou dechouke Kevin McCarthy kòm lidè lachanm. Se premye fwa nan listwa Etazini sa janm fèt.
Depite yo vote 216 pou ak 210 kont pou fòse misye kite pòs li. Se yon kontenjan konsevatè zèl dwat ki te fòse vòt sa a jodia, ki kreye yon kawo nan Lachanm.
Prensipal rival McCarthy a, Depite Matt Gaetz ki reprezante Florid, te avanse mosyon pou kite a, ki rasanble plis pase yon ti gwoup konsevatè Repibliken ki konn kritike McCarthy ak plizye Demokrat ki di li pa merite lidèship la.
Pwochen etap yo pa klè, men pa gen okenn moun ki ta sanble pare pou siksede McCarthy pou dirije majorite Repibliken nan Lachanm nan.
