Palmantè yo nan Chanm Depite Etazini an te reyini pou yo vote ankò jodi mèkredi a, kote Depite Repibliken Jim Jordan tap chache gen ase vwa nan pati li a pou li tounen pwochen lidè Chanm nan.
Jordan, yon konsèvatè liy du ki se yon alye ansyen Prezidan Donald Trump, pa te reyisi jwenn majorite nan yon vòt ki te fèt ayè madi a, kote 20 Repibliken te lage bilten pou lòt manm.
200 vwa li yo te mete l dèyè Lidè Demokrat nan Chanm, nan Hakeem Jeffries, ki te resevwa 212 vòt men ki paka pran pòs la paske se Repibliken ki an majorite nan Chanm nan.
Li echwe ankò Mekredi.
Jordan, ke moun konsidere kòm yon eleman divizyon nan Kongrè a, ka tounen 3èm kandida ki pa reyisi ini Pati Repibliken an, sa ki lakoz chanm nan rete san lidè depi yo te dechouke ansyen lidè Kevin McCarthy, sa gen 2 semenn. Depite Steve Scalise wete non-l sou lis kandida-yo apre li pa te reyisi jwenn ase sipò pami Repibliken yo.
