Repibliken yo, nan moman batay antre yo paralize Chanm Reprezantan Etazini an depi 3 semenn, ap koumanse chache ankò lendi a nouvo lidè chanm nan e abode finansman pou Izrayèl, Ikrèn ak gouvènman federal la.
Lit ant yon ti gwoup liy-du kont Repibliken ki pi pwòch ak tandans majorite palmantè yo, te mennen nan dechoukaj ansyen lidè Kevin McCarthy, 3 Oktòb pase, e deraye kandidati 2 depite, Steve Scalise ki se Repibliken nimewo 2 nan Chanm nan, ak Jim Jordan ke tout kòlèg li yo konnen kòm konsèvatè.
Vid ki nan tèt chanm nan lakoz Kongrè a paka travay pandan li ap fè fas ak yon dèle 17 Novanm pou evite fèmti gouvènman an, e reponn demann Prezidan Joe Biden pou apwouve èd militè pou Izrayèl ak Ikrèn.