Jwè ak estaf teknik melanje ansanm nan vestyè a pou danse konpa sou mizik sa a ki tounen yon "hit" entènasyonal.
Menm antrenè Nottingham Forest la, Nuno Espirito Santo, te yaya kò l sou "4 kanpe" nan vestyè a.
Souri sou vizaj akonpaye ak kèk pa dans, jwè yo pat kache kontantman yo apre bout vikwa sa a sou youn nan pi gwo ekip nan peyi Angletè.
Se pa premye fwa mizik "4 kanpe" a ensite atis oubyen gwo selebrite nan mond la montre sa yo peze nan danse konpa. chantèz Madonna te montre talan l yon lè sou mizik "4 kanpe" a.
N ap fè sonje tou, Joe Dwèt File te dekwoche "Single d'or" nan peyi Lafrans pou mizik 4 kanpe a, nan mwa novanm 2024. Sa gen plizyè lane Tonton Bicha ak yon gwoup ayisyen te lanse vèsyon twoubadou mizik 4 kanpe a.
