Melchie Dumornay, ki fèt nan lakou Mibalè, kontinye ap fè pale de li nan peyi Lafrans, kote l ap miltipliye gòl nan Arkema premye lig la.
Ayisyèn nan, ki sou 2èm sezon l ak ekip Lyon an, jwenn wout filè yo ankò, nan kad 16èm jounen chanpyona Lafrans la, kote Lyon kraze ekip Strasbourg a (4-0), avèk sitou yon bon Melchie Dumornay ki te fè 3è gòl match la nan 64e minit.
Ayisyèn nan te resevwa yon pas nan men Eugénie Le Sommer nan antre sifas Strasbourg la. Grenadyè a, ki te devanse defansèz ki t ap make l la, jwenn balon an epi pouse l nan kan an pou twonpe gadyèn nan ki te kite kan l.
3è gòl match la, 13èm gòl Melchie Dumornay ki gen sèlman 2 gòl an reta parapò ak Clara Mateo, jwèz Paris FC, ki gen 15 gòl nan klasman bitez yo.
Pou sezon sa a, jeni ayisyen an enskri antou 15 gòl epi bay 5 pas pou gòl. (D1 Arkema ak Lig chanpyon yo)
N ap souliye, Batcheba Louis, yon lòt Ayisyèn ki ap jwe nan chanpyona Lafrans la, enskri 9 gòl e fè pati pi bon bitez D1 Arkema a.
