Sipèsta ayisèn nan ki kòmanse sezon 2024-2025 lan an granjan, kontinye ap krache dife pou premye pati nan sezo an.
Bitez ayiysèn fè yon dekabès pandan weekend nan pou pèmèt ekip Lyon an pase yon kal ak FC Nantes.
Corventina fè tou 2 gòl li yo nan premye mitan match la.
Premye gòl la rive nan 11èm minit match la. Dumornay jwenn yon balon nan kare a, fè yon kontwòl pou met balon an sou pye dwat li, avan l fè yon enteryè pye dwat pou l met balon an nan filè a.
Anviwon 13 minit apre, Jeni aysisyen an ta pral pwofite de yon bon travay Diani fè sou bò dwat la. Fransèz la kouri ak plizè defansèz avan l sèvi Ayisèn nan ki te byen plase pou l te foure bou l la nan kan an.
Yon bèl dekabès ki pèmèt Mibalezyèn nan enskri 10èm gòl li nan chanpyona Lafrans lan,12èm gòl li an tout pou tout konpetisyon l jwe pou sezon an (10 nan D1 Arkema, 2 nan lig chanpyon yo)
Dumornay ak Lyon gen randevou demen madi 17 desanm lan ak ekip Wolfsburg a pou dènye jounen match gwoup nan lig chanpyon yo.
