Rapè ak antreprenè Sean "Diddy" Combs asiyen konpayi tafya Diageo, ke li akize kòm kwa li pat envesti jan li te pwomèt la nan vodka ak tekila li yo epi trete yo tankou pwodui "enferyè".
Combs depoze yon plent legal Mèkredi devan Kou Siprèm Manhattan nan. Li di ladann ke Diageo te anpeche vodka Ciroc Combs la ak Tekila DeLeon li an jwenn resous li te bezwen aloske li te fè anpil piblisite pou tafya lòt selebrite tankou George Clooney, ki gen yon tekila ki rele Casamigos.
Combs, ki se yon nwa Ameriken di lidèship Diageo a te di'l ras se youn nan rezon li te limite distribisyon tafya li yo a katye urben yo.
Diageo demanti akizasyon Combs yo.