Kèk pami soulye tenis Yeezy rapè Ameriken Kanye West fè espesyalman pou Adidas rekomanse vann nan magazen.
Yo te sispann vann tenis yo apre Adidas te anile kontra li te siyen ak rapè a, ki vle pou moun rele l Ye kounyea. Adidas mete fen nan kontra a nan fen mwad Oktòb la apre rapè a te fè kèk deklarasyon anti-juif. Adidas te pibliye yon deklarasyon kote li di konpotman rapè a blese moun.
Anvan sa, PDG Adidas la Bjorn Gulden te anonse konpayi an tapral vann yon pati nan soulye tenis li toujou genyen nan envantwa li epi fè kado lajan an bay oganizasyon kap travay sou jistis sosyal.
Soulye ki vin disponib sou mache a Mèkredi semèn sa a, siyale premye fwa Adidas janm vann soulye Yeeze yo depi kolaborasyon li ak vedèt la te kaba nan mwad Oktòb la.
