VOA Kreyol va difize diskou Prezidan Joe Biden nan an direk ak tradiksyon an Kreyol sou paj web nou. Rete branche pou suiv.
Biden Entèdi La Risi Travese Espas Ayeryen Ameriken Akoz Ikrèn
Prezidan Joe Biden anonse ke Lèzetazini ap entèdi avyon Ris yo antre nan espas ayeryen li kom reprezay pou envazyon Ikrèn nan.
Biden pral anonse nouvèl la pandan diskou State of the Union (Eta Peyi a) ke li pral pwononse aswè a Madi, dapre moun ki o kouran desizyon an.
Biden ap bay premye diskou li sou Eta Peyi a, ki se yon gwo moman istorik pou Ameriken.
Ekstrè diskou a ki pibliye davans fè konnen Biden pral deklare diktatè tankou Prezidan Ris la VLadimir Putin dwe "peye pri a" sinon danje ki poze pou Etazini ak mond lan pral kontinye ogmante.
Prezidan Ameriken an gen entansyon dirije peyi a yon fason pou'l soti anba pandemi a, bay ajènda nasyonal li jarèt epi konfronte zak agresyon La Risi poze a.
Premye Dam Jill Biden anonse kiyes lap gen kom envite li pou koute diskou mari li, Prezidan Biden aswe a.
Biden te yon Senatè Ameriken pandan 36 zan e li te manm oodyans la pandan plizyè diskou sou Eta Peyi a.
Apre li te vinn vis prezidan an 2009, Biden te chita nan sal yo rele rostrum nan ak lidè La Chanm dè Reprezantan, pou koute diskou Prezidan Barack Obama sou Eta Peyi a.