Kontwolè Ewopeyen yo frape TikTok ak yon amann $368 milyon poutèt li pa pwoteje vi prive timoun yo.
Se premye fwa ka Ewòp ap pini aplikasyon popilè a, kote moun ka pataje brib videyo, anba règleman sevè Ewopeyen ki pwoteje done prive itilizatè a.
Komisyon Pwoteksyon done Irland la deklare Vandredi li enpoze amann sa kont TikTok e li rale zorèy platfòm nan pou vyolasyon ki te fèt pandan dezyèm pati ane 2020 an.
TikTok reponn nan yon deklarasyon ki li pa dakò ak desizyon an "sitou nivo amann yo enpoze kont li a."
Konpayi a souliyen ke kritik Irland fè a konsantre sou reglaj ki an plas depi 3 zan.
