Gen 2 senatè Ameriken ki mande TikTok esplike sa yo dekri tankou deklarasyon "depaman" sou kijan li sere epi deside kiyès ki gen aksè ak done itilizatè Ameriken yo.
Nan yon lèt li voye bay PDG TikTok la Shou Zi Chew Madi, Senatè Richard Blumenthal ak Marsha Blackburn site repotaj ki pibliye nan Forbes ak New York Times ki soulve kestyon pa rapo ak kijan konpayi an jere done sansib itilizatè Ameriken yo.
TikTok di sèvè li ki gen done itilizatè Ameriken yo sitye nan eta Vijini ak Sengapou, kote TikTok gen katye jeneral li.
Sepandan, kestyon pou konnen kiyès ki gen aksè ak done sa yo - ak ki kote - se yon kestyon ki poko jwen repons.
