5 moun ki kreye kontni sou TikTok asiyen eta Montana nan yon tantativ pou ranvèse entèdiksyon li mete sou app la kote moun pataje videyo.
Nan dokiman legal yo depoze devan tribinal federal vil Missoula Mèkredi, yo plenyen pou di entèdiksyon an se yon vyolasyon enkonstitusyonèl dwa libète ekspresyon.
Yo di tou, ke eta a pa gen okenn otorite sou kestyon ki gen rapo ak sekirite nasyonal.
Gouvènè Repibliken eta Montana, Greg Gianforte siyen lwa a Mèkredi, e li di sa pral pwoteje done prive sitwayen eta Montana yo ak enfomasyon pèsonèl yo - pou anpeche Lachin gen aksè ak yo.
Entèdiksyon TikTok la ta sipoze antre an aplikasyon 1 Janvye 2024.
