Prezidan Donald Trump rive sou apepre 36,6 milyon telespektatè pandan diskou li devan Kongrè a dapre sa konpayi Nielsen rapòte.
Se yon ogmantasyon konpare ak ansyen Prezidan Joe Biden ki te rive sou 32,2 milyon moun an 2024. An 2022, gen 38,2 milyon telespektatè ki te gade diskou Biden devan Kongrè a.
Dapre Nielsen, se yon gwoup telespektatè pi piti pase kantite ki te suiv diskou anyèl Trump la pandan premye manda li.
Rezo nouvèl Fox News Channel, ki pi popilè pami fanatik Trump yo, te gen pi gwo chif yo, a savwa 10,7 milyon moun.
Nielsen di 71% telespektatè yo te gen 55 an oubyen pliske sa.
