Avoka ansyen prezidan Donald Trump mande yon kou federal d'apèl pou l revoke babouket yo mee nan bouch kliyan yo nan kad yon pwosè federal kote yo akize l dèske li te konplote pou fè koken nan eleksyon prezidansyèl 2020 an.
Avoka Trump la, John Sauer di yon panèl ki gen 3 jij ladann Landi ke lòd la se yon bagay ki poko janm fèt e li tabli yon presedan terib pa rapò ak libète prensipal pou yon sitwayen Etazini pale sou politik.
Avoka akizasyon ki fè pati ekip mèt espesyal Jack Smith la bò kote pa yo lanse apèl bay tribinal la pou l re mete an plas lòd li te pase ki entèdi ansyen prezidan Repibliken an fè komante piman bouk sou avoka kap travay sou ka a ak temwen potansyèl.
Moun kap suiv pwosè a pa atann yo aske tribinal la pran yon desizyon Lendi.
