Ansyen prezidan an mete ak plizyè media ameriken ki di piblik Ameriken an ta dwe kapab gade pwosè istorik la nan televizisyon.
Regleman tribinal federal yo entèdi media yo televize pwosè ki ap dewoule nan tribinal.
Men, ajans nouvèl Associated Press ak lòt òganizasyon nouvèl yo di ka ke yo patko janm wè, kote yon ansyen prezidan ap fè fas ak akizasyon kòmkwa li t ap chache chanje desizyon elektè yo, sa ta dwe yon eksepsyon.
Depatman Jistis la fè konnen jij k ap sipèvize ka a pa gen otorite pou li iyore politik ki genyen depi lontan nan tout peyi a ki entèdi kamera nan tribinal federal yo.
Trump te di nan yon miting kanpay Samdi, "Mwen vle jijman sa fèt pou tout moun nan mond lan wè."
