Jij la di Trump vyole yon lòd pou li pa pale an piblik sou dosye a, yon entèdiksyon limite ki anpeche l fè atak pèsonèl sou anplwaye tribinal la.
Jij la sanksyone Trump ak amann la Mèkredi apre ansyen prezidan an te plenyen deyò tribinal la pou di "yon moun ki pran pati anpil kont li chita bò kote" jij Arthur Engoron ki anchaje pwosè a.
Sa gen kèk semèn, Engoron te bay lòd pou okenn patisipan nan pwosè a pa pale an piblik sou anplwaye li yo.
Lòd baboukèt 3 Oktòb la te vini apre Trump te mete yon pòs sou rezo sosyal ki kritike sevèman prensipal grefye jij la, ki chita bò kote l nan tribinal la.
Trump di kòmantè li Mèkredi te sou temwen Michael Cohen, pa sou grefye a. Engoron di eksplikasyon Trump la “pa merite konfyans”.
