Johnson pral fè fas a yon vòt Mèkredi kote li pral eseye ini majorite Repibliken an ki divize.
Johnson se katriyèm kandida ke Repibliken yo nonmen pou djob sa pou ranplase Kevin McCarthy.
Nominasyon Johnson te vini sèlman kèk èdtan apre yo te pwopoze Depite Tom Emmer ki soti Minnesota, e ki te abandone kous la apre kritik epi opozisyon ansyen prezidan Donald Trump.
Repibliken yo ki gen majorite nan Chanm nan pa gen yon lidè depi 3 semèn.
E yo dezespere pou yo mete fen nan dezòd la epi fè Chanm nan tounen nan travay.
Johnson pral bezwen prèske tout vwa Repibliken yo pou li kapab pase lè tout Chanm nan pwal vote pou li.
