Moun la jistis Nouyok akize an koneksyon ak fiziyad nan yon stasyon tren nan Brooklyn pral oblije rete fèmen nan prizon san kosyon. Avoka leta yo di misye terifye tout vil la.
Frank James konparèt devan yon tribinal federal Jedi, yon jou apre arestasyon ni an koneksyon ak yon atak kote 10 moun blese pa bal.
Otorite yo di James, ki gen 62 zan, lage yon bonm lafimen nan stasyon tren an epi tire plizyè douzèn fwa. Avoka li lanse avètisman pou di moun pa dwe prese pou jije misye. Li mande pou James resevwa "swen psikyatrik" nan prizon an.
La jistis akize li dèske li komèt yon zak teworis ki aplike pou atak ki fèt kont sistèn tranzit ke yon pakèt moun sèvi.
Otorite yo di pa gen okenn prèv ki ta konekte misye ak okenn oganizasyon teworis e ke yo toujou ap eseye detèmine kisa ki te motive'l pou'l lanse atak la.