Lapolis jwenn yon kamyonèt lokasyon U-Haul nan Brooklyn ki konfòme ak deskripsyon epi matrikilasyon machinn yap chache an koneksyon ak yon fiziyad ki fèt Madi nan hè de pwent yo nan yon stasyon tren.
Lapolis bloke yon wout ki sitye ak yon distans kèk kilomèt ak sèn fiziyad la e yo mande moun nan tout biznis ki nan zòn nan pati, pandan yap tann yon ekip ki espesyalize nan dezamòse bonm ak lòt sèvis ijans espesyalize rive sou sèn nan.
Se yon responsab ki pat otorize diskite piblikman sou ankèt la e ki te pale sou kondisyon pou yo pa site non li ki pataje enfòmasyon sa a.
Otorite yo ozalantou Nouyòk resevwa lod ke si yo we kamyonèt U-Haul la yo ta dwe rete li tou swit epi arete tout moun ki ladann.
Dapre responsab yo gen 5 moun ki nan kondisyon kritik men yo kwe yap siviv. Chèf Lapolis la Keechant Sewell fe konnen yo pap envestige ensidan sa a tankou yon zak teworis, men li di li pa ekate okenn posibilite.
Atak la koze panik pami moun Nouyok ki konn sèvi ak youn nan sistèm tren ki gen plis moun ki monte ladann chak jou. Responsab yo deside mete plis polisye pou veye stasyon tren sou-teren soti depi Nouyòk pou rive Philadelfi ak Connecticut.
