Sekretè Defans Etazini Lloyd Austin di madi tank Abrams ke Pentagòn nan te pwomèt yo ap rive nan Ikrèn anvan lontan, e ke li ap ogmante efò pou antrene pilot Ikrèn sou djèt F-16 yo pou yo ka vin resevwa antrènman nan baz militè ameriken.
Austin ki t-ap pale nan ouvèti yon reyinyon Gwoup Kontak pou Defans Ikrèn ki gen Etazini nan tèt-li ann Almay, ekzòte alye-yo pou yo founi Ikrèn defans anti-aeryen ke li bezwen pandan LaRisi ap vize enfrastrikti tankou pò ak enstalasyon sereyal.
Austin di atak ris pa lòt bò chann batay-la **fè anpil moun soufri** e menase sekirite alimantè mondyal.
Otorite Ikrèn yo di Madi atak aeryen ris frape vil Lviv nan lwès Ikrèn, kote yon moun pèdi lavi. Majistra Lviv Andriy Sadovyi di sou Telegram atak la frape 3 depo, ki te gen fenèt, pwodui chimik pou netwaye kayak èd imanitè.
Lame Ikrèn nan di li detwi 27 sou 30 dronn ke LaRisi te lanse nan atak yo, nan sid, sant ak lwès Ikrèn.
Lame a di tou li desann yon dronn rekonesans ris nan lès peyi a.