Dmytro Lubinets te pale ak ajans nouvèl Reuters nan Kyiv Mèkredi (6 septanm nan) yon jou apre plizyè minè te reyini ak paran yo nan lwès Ikrèn apre yon vwayaj long soti nan Larisi ak tèritwa ki anba kontwòl Ris yo.
Li deklare "Presyon entènasyonal sou Federasyon ris la ap mache". "Men nou bezwen yon bagay nouvo, yon bagay ki pi fò pou mete plis presyon sou yo."
CPI akize Putin ak Komisyonè Dwa Timoun Larisi a, Maria Lvova-Belova, kòmkwa yo komèt krim lagè daprezavwa yo ta depòte plizyè santèn timoun Ikrèn ilegalman.
Moskou, ki te anvayi ikrèn an Fevriye 2022, demanti plizyè fwa ke fòs li yo te angaje nan krim lagè, ni patisipe nan depòte timoun Ikrenyen bwote yo ale nan Larisi.
Kremlin an di li te transpòte timoun Ikrenyen yo pou pwoteje yo anba batay ki t ap dewoule sou teren an.
Kyiv te idantifye, verifye epi lokalize prèske 20,000 timoun ke Ris yo te deplase.
Otorite ris yo endike ke gen plizyè santèn milye timoun Ikrenyen nan Larisi.
