Zelenskyy te prezante Umerov bay gwo otorite militè yo ak responsab defans yo, yon jou apre palman an te apwouve nominasyon li a. Zelenskyy fikse priyorite pou li tankou devlope koperasyon entènasyonal ak gide Ikrèn pou l vin manm Òganizasyon Trete Nò Atlantik la.
Zelenskiy revoke minis ki te la anvan Umerov la apre akizasyon ke laprès nan Ikrèn te lanse kont ministè a, sitou sa ki gen rapò ak acha materyèl militè.
Dapre kèk analis militè, chanjman sa a pa pwal gen gwo enpak sou lagè Ikrèn nan.
Zelenskiy declare "Sa ki pi enpòtan, nou bezwen plis konfyans. Konfyans nan desizyon n ap pran, konfyans nan achte ekipman militè, konfyans nan materyèl yo".
Li di ke li vize tou pou ranfòse kowalisyon alye entènasyonal yo pandan lagè Larisi nan Ikrèn nan epi menm fòje "asosyasyon ke li pa te prevwa".
Zelenskiy di ke li gen konfyans Umerov kapab akonpli tout travay ki sa yo ki devan li a.
