Premyè Dam Jill Biden soti an izolman apre li teste negatif 2 fwa pou COVID-19. Se konsa li t'al rejwenn Prezidan Joe Biden nan kay yo genyen sou plaj nan eta Delaware.
Madan Biden te ann izolman nan Kawolin di Sid, kote li te teste pozitif pou kowonaviris la nan moman koup la tap mete fen nan semèn vakans yo te pase nan eta sa a.
Yon konseye di premye dam nan rive Delaware Dimanch apremidi.
Menm jan ak prezidan an, Jill Biden pran 2 vaksen COVID-yo epitou vaksen booster Pfizer yo.
Li teste positif Madi pase a, e doktè te preskri'l medikaman ki rele Paxlovid la - ki se yon medikaman anti-viral.
Prezidan Biden fèk sot rekipere sa pa gen lontan, apre li te fè yon rechit COVID-19.