FBI (Biwo Federal Envestigasyon Etazini an) ajoute non chèf gang Ayisyen Vitel'Homme Innocent sou list 10 Fujitiv Pi Rechèche yo.
Lajistis Etazini ap pousuiv misye an koneksyon ak kidnaping ak asasina misyonè Ameriken nan peyi d Ayiti. Yo admèt jodia ke se yon objektif ki difisil akoz ensekirite a nan peyi d Ayiti.
An koneksyon ak anons la, Depatman Deta fè konnen li pral peye jiska $2 milyon pou enfomasyon ki ede l mete Vitel'Homme Innocent anba kod.
Lajistis Ameriken akize l ofisyèlman de kidnaping ame 16 misyonè Kretyen an 2021 epi asasina yon misyonè ak kidnaping mari li an 2022.
Pi fo gwoup la te sove 61 jou apre yo te kidnape yo.
Mari misyonè a limenm te jwenn liberasyon li apre yo te peye yon ranson.