Anbasad Etazini nan peyi dAyiti ankouraje sitwayen li yo Mèkredi pou yo pati kite peyi a "osito posib".
Anbasad la site defi ki poze pou sekirite ak enfrastrikti Ayiti, epi zak vyolans ki ogmante epi kite plizyè milye moun san kay.
Nan yon deklarasyon ke anbasad pibliye, di: " Sitwayen Ameriken an Ayiti ta dwe kite peyi a pi vit posib swa nan vol komèsyal oubyen prive."
Yon lese frape ki pete ant gang kap eseye pran kontwòl plis tèritwa an Ayiti koze yon kriz imanitè ki fòse 200,000 moun kouri kite kay yo epi kite 5,2 milyon lòt (kidonk prèske mwatye popilasyon Ayiti) - nan bezwen asistans imanitè dapre sa Nasyonzini rapòte.
Pi bonè mwa sa a, Anbasad Amerikèn Pòtoprens la te fèmen pwovizwaman, akòz kout zam ki te marye nan zòn alantou li.