Pi nouvo teleskòp spasyal La NASA a sou wout pou l al eksplore 2 pòl planèt Tè a.
SpaceX lanse l nan lespas Madi swa depi eta Kalifoni. Obsevatwa Spherex la pral siveye syèl la pandan 6 mwa pandan lap vwayaje ant pòl planèt Tè a.
Enstriman enfrawouj li yo pral bay savan yo yon vi espektaklè de plizyè santèn milyon galaksi epi limyè kosmik yo pwodui ansanm.
Savan yo espere aprann kijan galaksi fòme, evolye epi kijan inivè a te granti tèlman rapidman nan kòmansman.
La NASA mete 4 satelit ki pa pi gwo pase malèt nan fize ki tap lanse teleskop la pou etidye solèy la depi pwòp òbit pa yo.