Pa gen dout nan sa, ane 2024 la se youn nan pi bon ane Corventina nan tout karyè l kòm pwofesyonèl, grasa tout sa l reyalize endividyèlman ak tit li pran yo.
Gòl, pas gòl, drib,... ak tit li ranmase. Melchie Dumornay reyalize yon gwo ane ki fini ak yon dekabès kont ekip FC Nantes lan 14 desanm 2024 la.
Yon dekabès ki pwopilse Ayisyèn nan pami pi bon bitez nan D1 Arkema a sezon an ak 10 gòl (ak 2 pas gòl).
Fè 2 gòl nan match, pa yon bagay nouvo pou Dumornay, dayè, pou ane 2024 la, Ayisyèn nan fè 4 debakès, youn ladan yo kont As Roma nan Lig chanpyon yo.
Lig Chanpyon yo
Pou 2e ane l nan pi gwo konpetisyon an Ewòp, Grendyè a, montre tout kalite l ak tout talan l nan faz gwoup yo kote l fè filè yo tranle 2 fwa.
Dumornay se Recorwoman Ayisyen nan Lig chanpyon yo. Mibalesyèn nan se premye Ayisyèn ki enskri non l kòm bitez nan konpetisyon sa.
Li se premye Ayisyèn tou ki jwe yon match nan 2èm tou lig chanpyon e fè gòl nan match sa yo.
Anplis de sa, Melchie Dumornay met ekip Lyon an sou do l nan demi final kote l elimine Paris Saint Germain pou l kalifye Lyon pou final konpetisyon.
Grenadyè pran plizyè fwa tit pi bon jwez match ak pi bèl gòl nan lig chanpyon.
San sipriz, Melchie Ddumornay pran twofe pi bon jèn jwez lig chanpyon yo !
Yon krak, yon jeni, yon boul dyaman... Dumornay se yon pepit ki chaje talan e ki fè flote drapo asyisyen an byen wo nan mond lan, grasa bèl pèfòmans li sou teren.
Pou ane 2024 la, Melchie Dumornay fè yon gwo sezon kote l ranpòte plizyè tit pèsonèl ak kolektif.
Corentina se:
Jwez Concacaf 2024
Jèn jwez lig chanpyon yo
chanpyon D1 Arkema
Nomine pou pri FIFA The Best 2024 (11 de l'annèe)