Prezidan Ameriken Joe Biden kòmanse yon vwayaj nan Amerik di Sid Jedi 14 novanm nan, ke yo konsidere kòm dènye toune li nan Amerik di Sid la, apre li pral kite pouvwa nan fen manda li bay predesesè li Donald Trump .
Biden pral patisipe nan 2 somè epi apre sa li pral vwayaje nan Amazon nan.
Joe Biden pral pase 6 jou sou kontinan an an komansan pa peyi Pewou pou somè APEC la epi apre sa, nan Brezil pou somè G20 a nan Rio de Janeiro.
Biden te swete pase pouvwa a bay kolistye li Vis Prezidan Kamala Harris ki pèdi eleksyon prezidansyèl la fas ak Repibliken Donald Trump .
Pandan vwayaj sila, lidè 81 lane a pral eseye konsolide eritaj politik li aletranje, ak nan sa ki gen rapò ak klima, imigrasyon ak komès, tout sijè ke Trump pwomèt pou pran yon lòt apwòch politik.
Nan premye somè APEC la lidè ameriken an gen pou l pale ak Prezidan Chinwa a Xi Jinping pou yon dènye fwa avan fen manda li. Li pral fè diskisyon tou ak lidè Japonè ak Kore di Sid.