Otorite ameriken yo anonse akizasyon nan tribinal kont yon moun Gwatemala ki, yo di, te ede òganize yon efò kontrebann ki te abouti nan lanmò 53 migran nan gwo chalè lè yo te fèmen nan yon traktè trailer nan San Antonio nan eta Texas.
Otorite yo anonse jedi ke Rigoberto Romàn Miranda Orozco tonbe anba akizazyon pou 6 ka kontrebann migran ki te abouti nan lanmò oubyen blese grav, nan tantativ janbe fwontyè Etazini-Meksik kote plis moun pèdi lavi. Otorite yo di yo ka konekte prevni an ak 4 migran ki te nan trailer a, e 3 nan yo te mouri ladann.
Arestasyon ki gen rapò ak lanmò migran sa yo, an 2022 nan Texas, moute nan plis pase yon douzèn e kounyea yo vanse rive nan Amerik Santral.