Yon responsab Depatman d Eta di VOA ke yo atann yo aske yap kapab deplwaye talè konsa, Zon Sipò Lavi (LSA) pou Misyon Sipò pou Sekirite Ayiti a, MSS.
Responsab la di pou pwoteje sekirite operasyon an li paka bay plis detay.
Depatman Defans Etazini responsab pou preparasyon LSA a. Finansman an soti nan $200 milyon ki rezève pou apiye fòs miltinasyonal la.
Responsab la di VOA: "Ensekirite a an Ayiti toujou entenab akoz zak vyolans gang yo. Sityasyon an ijan, men fòk nou asire MSS la pare li ka atenn objektif li yo.
Pandansetan nan Nouyòk, Reprezantan Etazini ak Ekwatè nan Nasyonzini, mande pou Konsèy Sekirite a òganize yon rankont prive pou diskite sou Ayiti Vandredi a 3 zè.
Korespondan VOA nan Pantagon nan, Carla Babb, ak korespondan VOA nan Nasyonzuni Margaret Besheer, kontribye a repotaj sa a.