Pitit gason ene Donald Trump yo sipoze temwaye nan pwosè sivil li nan Nouyòk, kote lajistis Ameriken akize l de fwod. Pwosè sila a poze yon menas pou avni konpayi Trump la.
Donald Trump Jr. ak Eric Trump te pran an chaj anpir imobilye papa yo lè misye te vinn prezidan.
Donald Jr. gen pou l temwaye Mekredi epi Eric Trump limenm pral temwaye Jedi.
Temwayaj yo deklanche yon seri temwayaj ki gen anpil enpòtans e ki soulve anpil atansyon, nan kad pwosè Pwokirè Nouyok la, Letitia James ap mennen kont Donald Trump. Sa fè 2 mwa depi pwosè a ap dewoule.
Avoka a ki se yon Demokrat, akize Donald Trump, konpayi li ak responsab wo plase biznis la dèske yo te egzajere richès yo sou dokiman legal yo te prezante pou jwenn prè epi siyen kontra.
Ex-prezidan Repibliken an ak pitit fi ene li, Ivanka Trump, pral temwaye semèn pwochèn.
Fanmi Trump la demanti yo te fè okenn bagay ilegal.