Senatè Demokrat Dianne Feinstein, ki te reprezante eta Kalifoni nan Sena Etazini, mouri.
Gen 3 moun ki familye ak sityasyon an ki konfime lanmo a pou Associated Press Vandredi.
Feinstein te gen 90 zan.
Li te sèvi kom senatè pi wo plase eta Kalifoni depi ane 1992 e li te pami yon ti gwoup fanm ki te eli nan Kongrè a menm ane sa a.
Li te defann ak pasyon priyorite liberal ki enpotan pou eta li, men anpil moun te konsidere l tou tankou yon moun ki trè pragmatik (setadi ki gen yon lespri pratik) ki te konn negosye ak Repibliken yo pou chache pwen komun.
Pi gwo moman karyè politik Feinstein nan te vini an 1978 lè Majistra George Moscone ak Sipèvizè Harvey Milk te mouri asasinen nan otèl de vil la. Se ex-Sipèvizè Dan White ki te touye yo.
Feinstein te prezidan Komite Sipèvizè San Francisco a e li te otomatikman tounen Majistra vil la apre asasina a.