Yon senatè ameriken enpòtan, demokrat Eta Kalifòni Dianne Feinstein, fè konnen gouvènman Obama a pral pase lòd pou Ajans Sekurite Nasyonal la (NSA) sispann fè espyonaj sou peyi-alye Lèzetazini yo.
Madam Feinstein –ki se prezidan Komisyon Sèvis Sekrè Sena a- fè parèt yon deklarasyon nan sans sa a byen ta nan jounen lendi a pou l di La Mezon Blanch fè li konnen:"Operasyon kote nou te konn rasanble enfòmasyon sou alye nou yo, pral sispann; sa pap kontinye. "
Kèk èd tan aprè Senatè Feinstein te fè deklarasyon sa a parèt, yon pòtpawòl Prezidan Barack Obama nan Konsèy Sekirite Nasyonal la, Caitlin Hayden, te di gouvènman an deja pran desizyon pou li mete fen nan operasyon an ; men li pat vle fè okenn kòmantè sou deklarasyon Senatè Kalifoni an.
Pandansetan, otorite yo ann Ewòp kontinye pwoteste aprè nouvèl te parèt pou di gouvènman ameriken an te fè espyonaj sou konvèsasyon telefonik lidè peyi ki sou kontinan an. Daprè yon otorite nan Depatman Afè Etranjè peyi Lespay, operasyon sa a pa apwopriye, menm jan li pa akseptab, lè ou konsidere Lèzetazini se yon alye peyi-manm Unyon Ewòp la.
James Boys se yon espesyalis nan politik amerikèn kap anseye nan King’s University nan vil Lond, ann Angletè. Li fè konnen operasyon siveyans sa a montre kijan Lèzetazini pran o-serye responsablite li genyen pou l konbat teworism nan lemond.
Misye Boys di : "Sa ensidan sa a demontre, sè ke Lèzetazini genyen yon seri de enterè nasyonal ki egzije lasman kèk operasyon ; e operasyon sa yo pral kontinye kèlkeswa moun ki nan La Mezon Blanch. Yo pral kontinye san ameriken yo pa pran an kosiderasyon kesyon pou konnen ki moun ki pral fache ou pa fache; yo pral kontinye menm nan peyi alye yo, menm nan kapital peyi ewopeyen yo."
Lidè ewopeyen yo reyaji sou dosye a aprè yon ansyen anplwaye NSA, Edward Snowden -ki tap travay sou kontra pou ajans-la- te pibliye enfòmasyon sekrè ki te fè konnen NSA te ranmase enfòmasyon sou apèl telefonik lidè ewopeyen yo. Daprè revelasyon sa a, pa egzanp, otorite ajans la te rive kolekte enfòmasyon sou plizyè milyon apèl ki te fèt nan peyi Lafrans.
Madam Feinstein –ki se prezidan Komisyon Sèvis Sekrè Sena a- fè parèt yon deklarasyon nan sans sa a byen ta nan jounen lendi a pou l di La Mezon Blanch fè li konnen:"Operasyon kote nou te konn rasanble enfòmasyon sou alye nou yo, pral sispann; sa pap kontinye. "
Kèk èd tan aprè Senatè Feinstein te fè deklarasyon sa a parèt, yon pòtpawòl Prezidan Barack Obama nan Konsèy Sekirite Nasyonal la, Caitlin Hayden, te di gouvènman an deja pran desizyon pou li mete fen nan operasyon an ; men li pat vle fè okenn kòmantè sou deklarasyon Senatè Kalifoni an.
Pandansetan, otorite yo ann Ewòp kontinye pwoteste aprè nouvèl te parèt pou di gouvènman ameriken an te fè espyonaj sou konvèsasyon telefonik lidè peyi ki sou kontinan an. Daprè yon otorite nan Depatman Afè Etranjè peyi Lespay, operasyon sa a pa apwopriye, menm jan li pa akseptab, lè ou konsidere Lèzetazini se yon alye peyi-manm Unyon Ewòp la.
James Boys se yon espesyalis nan politik amerikèn kap anseye nan King’s University nan vil Lond, ann Angletè. Li fè konnen operasyon siveyans sa a montre kijan Lèzetazini pran o-serye responsablite li genyen pou l konbat teworism nan lemond.
Misye Boys di : "Sa ensidan sa a demontre, sè ke Lèzetazini genyen yon seri de enterè nasyonal ki egzije lasman kèk operasyon ; e operasyon sa yo pral kontinye kèlkeswa moun ki nan La Mezon Blanch. Yo pral kontinye san ameriken yo pa pran an kosiderasyon kesyon pou konnen ki moun ki pral fache ou pa fache; yo pral kontinye menm nan peyi alye yo, menm nan kapital peyi ewopeyen yo."
Lidè ewopeyen yo reyaji sou dosye a aprè yon ansyen anplwaye NSA, Edward Snowden -ki tap travay sou kontra pou ajans-la- te pibliye enfòmasyon sekrè ki te fè konnen NSA te ranmase enfòmasyon sou apèl telefonik lidè ewopeyen yo. Daprè revelasyon sa a, pa egzanp, otorite ajans la te rive kolekte enfòmasyon sou plizyè milyon apèl ki te fèt nan peyi Lafrans.