Ansyen Prezidan Etazini Donald Trump pral vwayaje nan eta Michigan jodia, kote li pral eseye pran tèt elektè klas travayè yo, - sa Ameriken rele kol ble - pou yo vote pou li. Trump ap rive Michigan nan moman manm sendika travayè otomobil yo ap fè grèv.
Pandan ke Trump pran direksyon eta sa a ki nan sant wès Etazini, rival repibliken li yo yomenm rasanble nan eta Kalifoni pou dezyèm deba yo.
Trump ap vizite Michigan tou yon jou apre Prezidan Joe Biden te tounen premye prezidan Etazini an fonksyon ki janm rejwenn travayè kap fè grèv. Biden te rejwenn travayè oto kap fè grèv yo nan vil Detroit.
Parèt 2 politisyen yo pral souliyen petèt sa ki pral yon eleksyon jeneral dinamik nan ane 2024 la, ke anpil obsèvatè pral mete Trump fas a fas ak Biden anko.