Aktivite a ki pwal dewoule nan Libreri Prezidansyèl Ronald Reagan nan Kalifòni pa pwal gen ladann kandida ki devan nan kous pou nominasyon Repibliken an, an palan ansyen Prezidan Donald Trump.
Gwoup-la pwal gen preske menm moun yo ki te nan premye deba Repibliken ki te dewoule, mwa pase a nan Wisconsin, kote Trump te absan.
Ansyen Vis-prezidan Mike Pence, ansyen Gouvènè Repibliken nan Kawolin di Sid Nikki Haley, Gouvènè Florid Ron DeSantis, Gouvènè Nò Dakota Doug Burgum, Senatè Kawolin di Sid Tim Scott, ansyen Gouvènè New Jersey Chris Christie ak antreprenè Vivek Ramaswamy, yo tout ap la.
Sèl kandida nan premye gwoup-la ki p ap la se ansyen Gouvènè Arkansas Asa Hutchinson, ki pa reyini, fwa sa a, kondisyon ke Komite Nasyonal Repibliken an fikse.
