Se katriyèm dosye kriminèl kote lajistis nan plizyè eta ap pouswiv ansyen prezidan an, ki tou se yon kandida pou pati repibliken an. Li ap eseye jwenn nomimasyon li, pou li al reprezante pati a nan eleksyon jeneral pou yon pwobab fas a fas ak Joe Biden.
Lajitis nan eta Jòji akize Trump ak 18 lòt moun, pami yo ansyen avoka l Rudy Giuliani, nan mitan mwa Out pou tantativ ilegal yo tap fè pou ranvèse rezilta eleksyon 2020 an, se prezidan Biden ki te genyen nan eta kle sa a.
Lwa sou krim òganize, ke pwokirè a itilize nan ka sa a, prevwa pou santans 5 ak 20 ane nan prizon.
Nan ka sa a, Donald Trump te oblije ale semèn pase a rann tèt li nan yon prizon nan vil Atlanta.
Prizon sila te fè foto prizonye pou Trump, ki se premye fwa nan istwa Etazini yon prezidan pran foto antanke prizyone.
