Prezidan Joe Biden ak madanm ni premyè dam Jill Biden ap vwayaje nan zile Maui pou rekonfote suvivan gwo dife ki devaste rejyon wès zile Hawayèn nan pi bonè mwa sa a.
Biden yo an vakans nan zon Lake Tahoe, Nevada semèn sa a men yo deside fè eskal Lendi nan Hawaii pou al vizite vil istorik Lahaina a. Dife preske finn detwi vil istorik la, ki gen 13,000 abitan net.
Biden yo pral fè konsta dega dife koze nan vil sa a nan elikoptè epi tou yo pral mache nan vil la.
Prezidan Demokrat la va pwononse yon diskou tou pandan lap rann omaj a viktim dife a, ki touye plis pase 100 moun.
Prezidan Biden pral nomen tou, Bob Fenton, ki se yon lide rejyonal nan Ajans Federal Jestyon Dijans la, prensipal kowodonate pou dife Maui a. Konsa prezidan an ap asire yon manm administrasyon li an ap responsab pou jefo sekou yo a lont term. Sa pral pran plizye zane pou rebati Lahaina.
Plis pase 1,000 responsab gouvenman federal la ale Hawaii pou bay yon kout men apre dife a, dapre Lamezonblanch. Administrasyon an bay fanmi viktim yo plis pase 8 milyon dola asistans.
Pandan vakans yo nan Lake Tahoe, Prezidan Biden pale regilyeman ak responsab yo pou konnen sakap pase nan Maui, dapre Lamezonblanch.