Responsab zile Hawaii ap travay pou idantifye 99 viktim ke yo konfime mouri nan dife ki ravaje zile Maui.
Yo atann yo aske yap kapab pibliye premye lis non yo Madi, nan moman sekouris yo ap entansifye operasyon yo pou jwenn lot viktim nan katye ki finn tounen sann kounyea.
Yon semen apre ensandi ki ravaje vil istorik Lahaina a, anpil sivivan komanse bwote pou al viv nan chanm otel yo rezève pou rezidan Maui yo.
Chèf polis la di Lendi, sekouris yo ap itilize chyen espesyal ki ka detekte ki kote kadav yo ye. Yo deja kouvri 25% zon sinistre a.
Gouvènè Josh Green mande moun pou yo pran pasyans, epi bay sekouris yo espas yo bezwen pou byen fouye dekonb yo. Otorite yo resevwa yon pakèt demann deja pou al vizite zon dife boule a.
