Dokiman sèvis ijans zile Hawaii montre moun ki abite sou zile Maui pat resevwa okenn avètisman, sirèn pat sonnen ditou anvan yo te oblije kouri pou sove tèt yo pandan gwo dife tap avanse sou kay yo.
Gen omwens 55 moun ki mouri.
Otorite yo te voye alèt sou telefon entelijan, nan stasyon televizyon ak radyo yo.
Sepandan te gen pann kouran e sèvis telefonn nan pat fonksyone nomalman.
Hawaii vante tèt li pou sa eta Ameriken an dekri tankou yon pi gwo sistèm avètisman sekirite piblik an plèn èr nan mond lan.
Men anpil sivivan ki pale ak laprès Jedi di yo pat tande okenn sirèn ni resevwa avètisman pou ba yo ase tan pou prepare.
Yo di yo te sèlman reyalize ke lavi yo te an danje lè yo te wè flanm yo oubyen tande eksplozyon yo.
Dife ki pran nan rak bwa zile a, se dife pi danjre ki janm frape zile a depi 1960, lè yon tsunami te frape li.
