Espay pral jwe nan premye final Mondyal Foutbòl Feminen an, gras ak Olga Carmona ki make yon gòl nan 89èm minit la pou pemèt La Roja ranpòte la viktwa 2-1 sou La Suèd nan match semifinal yo a Madi.
Espay pral fè fas ak ekip ki genyen match Ostrali-Angletè a 16 Out la.
Final la fikse pou 20 Out - kidonk Dimanch, nan vil Sydney.
Espay ap gen chans pou l ranpote chanpyona Mondyal la pou premye fwa.
Seleksyon an klase 7èm sou lis meyè ekip FIFA a. Viktwa li sou La Suèd, ki klase nimewo 2 fè l tounen ekip pi wo plase ki rete nan tounwa a.