MELBOURNE —
Seleksyon nasyonal Etazini ki te dominen Mondyal Foutbòl Feminen an elimine Dimanch 6 Out la sou penalite apre li te fè match nil ak La Suèd nan 8èm de final yo.
Se premye fwa chanpyon an tit la, ki ranpòte twofe a 4 fwa deja pati bone konsa nan tounwa a.
Ameriken yo te redi depi kòmansman Mondyal la.
Rès ekip nan mond lan amelyore anpil an tèm de talan ak kondisyon fizik kivledi avni seleksyon Amerikèn nan taka dramatikman diferan.
Pa gen oken garanti ke antrenè Vlatko Andonovski pral kontinye ak ekip la nan moman kote lap fè preparasyon pou pwochen gwo tounwa li, a savwa Jezolenpik yo nan peyi La Frans ane pwochèn nan.
