PERTH —
Jamayik kale Panama 1-0 pou asire premye viktwa li nan listwa nan Mondyal Foutbòl Feminen an.
Jwèz defans Allyson Swaby bay yon kout tèt apre kornè Trudi Carter la nan 56èm minit la pou pèmèt Jamayikèn yo genyen match la nan vil Perth.
Swaby ak ti sè li, Chantelle, yo tou le 2 tap jwe nan dezyèm match Koup di Mond Medam yo pou ekip "Reggae Girlz" la. Jamayik sitye nan Gwoup F la.
Jamayik tap jwe san kapiten ni, Khadija Shaw, ki resevwa kat wouj pandan pwolongasyon dezyèm mitan an nan match ouvèti ekip la kont La Frans. Jamayik te fè match nil 0-0 ak La Frans.
